Mangalore Diocese News

CT News

Belthangady, Jul 18 : ICYM unit of St Raphael Church, Badyar in collaboration with YCS and Environment Commission celebrated "Laudato Si Sunday" Van Mahotsav on 10th July 2022.

ICYM ಘಟಕ್ - ಸಾಂ ರಾಫಾಯೆಲ್ ಫಿರ್ಗಜ್ ಬದ್ಯಾರ್ ಹಾಚ್ಯಾ ಮುಖೆಲ್ಪಣಾರ್, ಪರಿಸರ್ ಆಯೋಗ್ ತಶೆಂಚ್ YCS ಚ್ಯಾ ಸಹಯೋಗಾಂತ್ 'ಲವ್ದಾತೊ ಸಿ' ಆಯ್ತಾರಾಚೆಂ ಆಚರಣ್ 10.07.2022 ಸಕಾಳಿಂ ಮಿಸಾ ಉಪ್ರಾಂತ್ 9.30 ವರಾರ್ "ಝಡಾ ಲಾವ್ಯಾ, ಪ್ರಕೃತಿಚೊ ಮೋಗ್ ಕರ್ಯಾಂ, ಆನಿಂ ತಾಚೆರ್ ರಚ್ಣಾರಾಚಿಂ ಕೃಪಾ ಮಾಗ್ಯಾಂ" ಮ್ಹಳ್ಯಾ ಧ್ಯೇಯಾ ಖಾಲ್ ಚಲ್ಲೆಂ.

ಸುಮಾರ್ 100 ಚ್ಯಾಕಿ ಚಡಿತ್ ವಿವಿಧ್ ಫುಲಾಂಚಿ ಝಡಾಂ ಧರ್ಮಾರ್ಥ್ ಫಿರ್ಗಾಜೆಚ್ಯಾ ಲೊಕಾಕ್ ವಾಂಟ್ಲಿಂ. ಹ್ಯಾ ಕಾರ್ಯಾಕ್ ಫಿರ್ಗಾಜೆಚೊ ವಿಗಾರ್ ಮ|ಬಾ|‌ ಮೆಲ್ವಿನ್ ಡಿಸೋಜ, ಫಿರ್ಗಜ್ ಕಾರ್ಯದರ್ಶಿ ಶ್ರೀಮತಿ ಪ್ರೇಮಲತಾ ಫ್ರಾಂಕ್, ICYM ಅಧ್ಯಕ್ಷ್‌ ಮನೀಶ್ ಸಿಕ್ವೇರಾ‌, ICYM ಸಚೇತಕ್ ರಾಜೇಶ್ ಸೆರಾವೊ, ಪರಿಸರ್ ಆಯೋಗಾಚಿ ಸಂಚಾಲಕಿ ಅಶು ಜುಲಿಟಾ ಕ್ರಾಸ್ತಾ, YCS ಸಚೇತಕ್ ಜೆರಾಲ್ಡ್ ಡಿಸೋಜ, YCS ಅಧ್ಯಕ್ಷ್ ಅಶ್ವಿತ್ ಡಿಸಿಲ್ವಾ, ಫಿರ್ಗಜೆಚ್ಯಾ ಸರ್ವ್ ಆಯೋಗಾಚಿ ಸಂಯೋಜಕಿ ಗ್ರೆಟ್ಟಾ ಡಿ'ಕೋಸ್ತಾ, ಕೊವೆಂತಾಚಿ ವ್ಹಡಿಲ್ನ್ ಸಿಸ್ಟರ್ ಫ್ಲೊಸ್ಸಿ, ಆನಿಂ ಎಲ್. ಏಮ್. ಪಿಂಟೋ ಆಸ್ಪತ್ರ್ ಬದ್ಯಾರ್ ಹಾಚಿ ವ್ಹಡಿಲ್ನ್ ಸಿಸ್ಟರ್ ಜೋಶ್ನಾ ತಶೆಂಚ್ ಹ್ಯಾ ಕಾರ್ಯಾಕ್ ಫಿರ್ಗಜೆಚೊ ಸರ್ವ್ ಲೋಕ್ ಹಾಜಾರ್ ಆಸ್ ಲ್ಲೊ.

ಉಪ್ರಾಂತ್ ಫಿರ್ಗಜೆಚ್ಯಾ ಹರ್ಯೇಕಾ ಕುಟ್ಮಾಂಕ್ ಏಕ್ ಫುಲಾಚೆಂ ಝಡ್ ದೀವ್ನ್ ತಾಚೆಂ ಬರೆಂ ಪೋಷಣ್ ಕರುಂಕ್ ಆನಿಂ ಪರಿಸರ್ ಸಂರಕ್ಷಣ್ ಕರ್ಚ್ಯಾ ವಾವ್ರಾಕ್ ಸಹಕಾರ್ ದೀಜಯ್ ಮ್ಹಣೊನ್ ICYM ಯುವ ಆಯೋಗ್, ಪರಿಸರ್ ಆಯೋಗ್ ಆನಿಂ YCS ತರ್ಫೆನ್ ಸರ್ವಾಂಕ್ ಉತ್ತೇಜನ್ ದಿಲೆಂ. ತಶೆಂಚ್ ಮಿಸಾ ಉಪ್ರಾಂತ್ ಫಿರ್ಗಜೆಚ್ಯಾ ವಠಾರಾಂತ್ ದೋನ್ ಝಡಾಂ ಲಾವ್ನ್ ಹೆಂ ಕಾರ್ಯೆಂ ಸಂಪಯ್ಲೆಂ.