Mangalore Diocese News

CT News

Moodbidri, Sep 29 : Catholic Sabha & ICYM units of Hospet Parish in collaboration with Community Health Center Moodbidri and Hosabettu Grama Panchayat organised Government Facilities Registration and Information Camp at Holy Cross Church Hopset hall on 27th September 2022.

ಕಥೊಲಿಕ್ ಸಭಾ ಆನಿ ಐ.ಸಿ.ವೈ.ಮ್ ಹೊಸ್ಪೆಟ್ ಘಟಕಾಂ ಥಾವ್ನ್ ಸರಕಾರಿ ಸೌಲಭ್ಯ್ ನೊಂದಾವಣ್ ಆನಿ ಮಾಹೆತ್ ಶಿಬಿರ್

ಕಥೊಲಿಕ್ ಸಭಾ ಹೊಸ್ಪೆಟ್ ಘಟಕ್ ಆನಿಂ ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ಹೊಸ್ಪೆಟ್ ಘಟಕ್ ಹಾಂಚ್ಯಾ ಮುಖೇಲ್ಪಣಾರ್ ಸಮುದಾಯ ಆರೋಗ್ಯ ಕೇಂದ್ರ ಮೂಡುಬಿದಿರೆ ಆನಿ ಹೊಸಬೆಟ್ಟು ಗ್ರಾಮ ಪಂಚಾಯತ್ ಹಾಂಚ್ಯಾ ಸಹಕಾರಾನ್ ಸರಕಾರಿ ಸೌಲಭ್ಯ್ ನೊಂದಾವಣ್ ಆನಿ ಮಾಹೆತ್ ಶಿಬಿರ್ 27/09/2022 ವೆರ್ ಮುಂಗ್ಳಾರಾ ಭಾಗೆವಂತ್ ಖುರ್ಸಾಚಿ ಫಿರ್ಗಜ್ ಹೊಸ್ಪೆಟ್ ಸಭಾ ಸಾಲಾಂತ್ ಆಸಾ ಕೆಲ್ಲೆ. ಹ್ಯಾ ಕಾರ್ಯಕ್ರಮಾಕ್ ಮೂಡುಬಿದಿರೆ ಆರೋಗ್ಯ ಕೇಂದ್ರಾಚಿ ಆರೋಗ್ಯಾಧಿಕಾರಿ ಶ್ರೀಮತಿ ಚಿತ್ರಾ, ಹೊಸಬೆಟ್ಟು ಗ್ರಾಮ ಪಂಚಾಯತಾಚಿ ಪಿ.ಡಿ.ಒ. ಕು. ಜ್ಯೋತಿ, ಉದ್ಯೋಗ ಖಾತರಿ ಯೋಜನಾಧಿಕಾರಿ ಕು.ಅನ್ವಯ, ಫಿರ್ಗಜ್ ಉಪಾಧ್ಯಕ್ಷ್ ಶ್ರೀ ಮನೋಹರ್ ಕುಟಿನ್ಹಾ, ಹೊಸಬೆಟ್ಟು ಗ್ರಾಮ ಪಂಚಾಯತ್ ಉಪಾಧ್ಯಕ್ಷ್ ಶ್ರೀ ರೆಕ್ಷನ್ ಪಿಂಟೊ, ಸಮುದಾಯ್ ಆರೋಗ್ಯ ಕೇಂದ್ರಾಚೆ ಸಿಬ್ಬಂದಿ ವರ್ಗ್, ತಶೆಂಚ್ ಗ್ರಾಮ ಪಂಚಾಯತ್ ಸಾಂದೆ ಆನಿ ಸಿಬ್ಬಂದಿ ವರ್ಗ್ ಆನಿ ಆಶಾ ಕಾರ್ಯಕರ್ತ್ ಹಾಜರ್ ಆಸ್ಲಿಂ.

ಪಯ್ಲ್ಯಾನ್ ವೆದಿ ಕಾರ್ಯೆಂ ಚಲೊವ್ನ್ ವೆಲೆಂ. ಕಥೊಲಿಕ್ ಸಭಾ ಅಧ್ಯಕ್ಷಿಣ್ ಲವೀನ ಪಿಂಟೊನ್ ವೆದಿರ್ ಆಸ್ಲ್ಯಾಂಕ್ ಆನಿ ಜಮ್ಲೆಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ದಿವೊ ಪೆಟೊಂವ್ಚ್ಯಾ ಸವೆಂ ಕಾರ್ಯಾಚೆಂ ಉಗ್ತಾವಣ್ ಕೆಲೆಂ. ಶ್ರೀಮತಿ ಚಿತ್ರಾ ಹಾಣಿ ಆರೋಗ್ಯ್ ಕಾರ್ಡಾ ವಿಶಿಂ ಮಾಹೆತ್ ದಿಲಿ, ಗ್ರಾಮ ಪಂಚಾಯತ್ ಪಿ.ಡಿ.ಒ ಕು.ಜ್ಯೋತಿ ನ್ ಪಂಚಾಯತ್ ಥಾವ್ನ್ ಮೆಳ್ಚ್ಯಾ ಸವ್ಲತ್ಯಾ ವಿಶಿಂ ಮಾಹೆತ್ ದಿಲಿ, ತಶೆಂಚ್ ಕು.ಅನ್ವಯ ಹಾಣಿ ಉದ್ಯೋಗ ಖಾತರಿ ಥಾವ್ನ್ ಮೆಳ್ಚ್ಯಾ ಸವ್ಲತ್ಯಾ ವಿಶಿಂ ಮಾಹೆತ್ ದಿಲಿ.

ಹ್ಯಾ ಕಾರ್ಯಕ್ರಮಾಂತ್ 123 ಜಣಾಂನಿ ಫಾಯ್ದೊ ಜೊಡ್ಲೊ. 106 ಜಣಾಂನಿ ಪ್ರಧಾನಮಂತ್ರಿ ಜನ ಆರೋಗ್ಯ ಯೋಜನೆ ಕಾರ್ಡ್ (PM JAY) ಕೆಲೆಂ. ಸಬಾರ್ ಜಣಾಂನಿ ಉಚಿತ್ ಭಲಾಯ್ಕಿ ತಪಾಸಣಾಚೊ ಫಾಯ್ದೊ ಜೊಡ್ಲೊ. ತಶೆಂಚ್ ಸಬಾರ್ ಜಣಾಂನಿ ವೋಟರ್ ಐಡಿ ಆಧಾರ್ ಕಾರ್ಡ್ ಲಿಂಕ್ ಕೆಲಿಂ.

ಐ.ಸಿ.ವೈ.ಮ್ ಉಪಾಧ್ಯಕ್ಷ್ ರೊಸ್ಟನ್ ಲೋಬೊ ನ್ ಧನ್ಯವಾದ್ ಪಾಟಯ್ಲೆ. ಗ್ರಾಮ ಪಂಚಾಯತ್ ಸಾಂದೊ ಶ್ರೀ ವಿಲ್ಪ್ರೆಡ್ ಮೆಂಡೊನ್ಸಾ ನ್ ಕಾರ್ಯೆ ಚಲೊವ್ನ್ ವೆಲೆಂ. ಕಾರ್ಯಕ್ರಮಾಕ್ ಕಥೊಲಿಕ್ ಸಭೆಚ್ಯಾ ಸಾಂದ್ಯಾನಿ ತಶೆಂಚ್ ಐ.ಸಿ.ವೈ.ಮ್ ಸಾಂದ್ಯಾನಿ ಸಹಕಾರ್ ದಿಲೊ.