Mangalore Diocese News

By Sunil Prashan

Moodbidri, Oct 27 : Our Lady of Perpetual Succour Church, Gantalkatte celebrated Christmas with Traditional Fervor and Devotion on the eve of 24th December 2021.

ಕ್ರಿಸ್ಮಸ್ ಫೆಸ್ತ್ ಆಚರಣ್ ಕೆಲೆಂ

ದಸೆಂಬರ್ 24, 2021: ಕ್ರಿಸ್ಮಸ್ ಫೆಸ್ತ್ ಭೋವ್ ಸಂಭ್ರಮಾನ್ ಆಚರಣ್ ಕೆಲೆಂ. ಸಾಂಜೆರ್ 7.00 ವೊರಾಂಕ್ ಕ್ರಿಸ್ಮಸ್ ಕ್ಯಾರಲ್ಸಾ ಸವೆಂ ಲಿತುರ್ಜಿ ಆರಂಭ್ ಕೆಲಿ. ಗಾಯನ್ ಮಂಡಳೆಚ್ಯಾ ಮುಖೆಲ್ಪಣಾಖಾಲ್ ಸರ್ವ್ ಭಕ್ತಿಕಾನಿಂ ಕ್ರಿಸ್ಮಸ್ ಕ್ಯಾರಲ್ಸಾಂತ್ ಸಕ್ರೀಯ್ ರಿತಿನ್ ಭಾಗ್ ಘೆತ್ಲೊ.

ಉಪ್ರಾಂತ್ ಪ್ರಧಾನ್ ಯಾಜಕ್ ಜಾವ್ನ್ ಮಾ|ಬಾ|ಸ್ಟೀಫನ್ ಡಿ'ಸೋಜ ಹಾಣಿಂ ಮಿಸಾಚೆ ಪವಿತ್ರ್ ಬಲಿದಾನ್ ಭೆಟಯ್ಲೆಂ. ವಿಗಾರ್ ಮಾ| ಬಾ| ರೊನಾಲ್ಡ್ ಡಿ’ಸೋಜಾ ಹಾಂಣಿಂ ಸಹ ಭೆಟವ್ಣಿ ಕೆಲಿ. ಪ್ರಸಂಗಾಂತ್ ಮಾ| ಬಾ| ಸ್ಟೀಫನ್ ಡಿ'ಸೋಜ ಹಾಂಣಿಂ ಅರ್ಥಾಭರಿತ್ ರಿತಿನ್ ನಿಯಾಳ್ ದಿಲೊ. ಮಿಸಾ ವೆಳಾರ್ ವಿಗಾರ್ ಬಾಪಾನಿಂ ಸರ್ವಾಂಕ್ ಕ್ರಿಸ್ಮಸ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆ.

ಮಿಸಾ ಉಪ್ರಾಂತ್ ಫಿರ್ಗಜ್ ಐ.ಸಿ.ವೈ.ಯಂ. ಘಟಕಾಚಾ ತರ್ಫೆನ್ ಲ್ಹಾನ್ಶೆಂ ಸಾಂಸ್ಕೃತಿಕ್ ಕಾರ್ಯೆಂ ಆಸಾ ಕೆಲ್ಲೆಂ. ಕ್ರಿಸ್ಮಸ್ ಕೇಕ್,ಕುಸ್ವಾರ್ ತಶೆಂಚ್ ಕೊಂಬೊ ಏಲಮ್ ಕಾರ್ಯೆಂ ಚಲವ್ನ್ ವ್ಹೆಲೆಂ.

ಐ.ಸಿ.ವೈ.ಯಂ. ಘಟಾಕಾಚ್ಯಾ ಮುಕೆಲ್ಪಣಾಖಾಲ್ ಆಸಾ ಕೆಲ್ಲ್ಯಾ ಗರ್ದನಾಚ್ಯಾ ಗೊಟ್ಯಾಚೊ ಸ್ಪರ್ಧೊ,ನಕ್ಲಿ ನೆಸ್ಣ ಸ್ಪರ್ದೊ, ಕ್ಯಾರಲ್ಸ್ ಸ್ಪರ್ದೊ ಆನಿ ಗ್ರೀಟಿಂಗ್ ಕಾರ್ಡ್ ಸ್ಪರ್ಧ್ಯಾಂತ್ ಭಾಗ್ ಘೆವ್ನ್ ಇನಾಮ್ ಜಿಕ್ಲೆಲ್ಯಾ ವಿಜೇತಾಂಕ್ ಬಹುಮಾನಾಂ ವಿತರಣ್ ಕಾರ್ಯೆಂ ಚಲವ್ನ್ ವ್ಹೆಲೆಂ. ಕಥೊಲಿಕ್ ಸಭಾ ಘಟಕಾ ತರ್ಫೆನ್ ಡ್ರೊಯ್ಂಗ್ ಸ್ಪರ್ದ್ಯಾಂತ್ ಜಿಕ್ಲೆಲ್ಯಾಂಕ್ ಇನಾಮಾಂ ವಾಂಟ್ಲಿಂ‌.

ಹ್ಯಾ ಆಚರಣಾಂತ್ ಸರ್ವ್ ಫಿರ್ಗಜ್ಗಾರಾನಿಂ ಭಾಗ್ ಘೆತ್ಲೊ. ಹಾಜಾರ್ ಜಾಲ್ಲ್ಯಾ ಸರ್ವಾಂಕ್ ಕಾಫಿ ಫಳಾರಾಚಿ ವ್ಯವಸ್ಥಾ ಆಸಾ ಕೆಲ್ಲಿ.