Mangalore Diocese News

By Wilson Pinto

Taccode - Moodbidri, May 27 : Information program on 'Canara Cancer Care Angel Account' was held at Taccode Church hall on 25th May 2025.

ತಾಕೊಡೆ ಫಿರ್ಗಜಿಂತ್ 'ಕೆನಾರಾ ಕ್ಯಾನ್ಸರ್ ಕೇರ್ ಏಂಜಲ್ ಎಕೌಂಟಾ' ವಿಶಿಂ ಮಾಹೆತ್ ಕಾರ್ಯೆಂ

ತಾರಿಕ್ 25-05-2025 ಆಯ್ತಾರಾ ದೀಸ್ ಸಕಾಳಿಂ ಮಿಸಾ ಉಪ್ರಾಂತ್ ತಾಕೊಡೆ ಇಗರ್ಜೆಚ್ಯಾ ಸಭಾ ಸಲಾಂತ್ ಸ್ತ್ರೀ ಸಂಘಟನೆಚ್ಯಾ ಮುಖೆಲ್ಪಣಾಖಾಲ್ ಕೆನಾರಾ ಕ್ಯಾನ್ಸರ್ ಕೇರ್ ಏಂಜಲ್ ಎಕೌಂಟಾ ವಿಶಿಂ ಮಾಹೆತ್ ಕಾರ್ಯೆಂ ಆಸಾ ಕೆಲೆಂ. ಘಟಕಾಚ್ಯಾ ಸ್ತ್ರೀಯಾಂಚಾ ಪ್ರಾರ್ಥನಾ ಗಿತಾಂ ದ್ವಾರಿಂ ಕಾರ್ಯೆಂ ಸುರ್ವಾತ್ಲೆಂ. ಸ್ತೀ ಸಂಘಟನೆಚಿ ಅಧ್ಯಕ್ಷ್ ಮಾನೆಸ್ತಿಣ್ ಐವಿ ಕ್ರಾಸ್ತಾನ್ ವೆದಿರ್ ಆಸ್‍ಲ್ಲ್ಯಾ ಮಾನಾಚಾ ಸಯ್ರ್ಯಾಂಕ್ ಆನಿ ಸರ್ವಾಂಕ್ ಸ್ವಾಗತ್ ಕೆಲೊ. ಕಾರ್ಯಾಚೆ ಅಧ್ಯಕ್ಷ್ ಸ್ಥಾನ್ ಘೆತ್‍ಲ್ಲೆ ವಿಗಾರ್ ಮಾ|ಬಾ|ರೋಹನ್ ಲೋಬೊ ಆನಿ ಮಾನಾಚ್ಯಾ ಸಯ್ರ್ಯಾನಿಂ ದಿವೊ ಪೆಟವ್ನ್ ಕಾರ್ಯಾಚೆಂ ಉಗ್ತಾವಣ್ ಕರ್ನ್ ಉಪ್ರಾಂತ್ ಆತ್ಮಿಕ್ ನಿರ್ದೇಶಕ್ ಬಾಪಾನಿಂ ಅಪ್ಲ್ಯಾ ಸಂದೇಶಾಂತ್ ಸರ್ವ್ ಬೊರೆಂ ಮಾಗ್ಲೆಂ.

ಹ್ಯಾ ಕಾರ್ಯಾಕ್ ವೆದಿರ್ ಅತ್ಮೀಕ್ ನಿರ್ದೇಶಕ್ ಮಾ|ಬಾ|ರೋಹನ್ ಲೋಬೊ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೆ ಉಪಾಧ್ಯಕ್ಷ್ ಮಾನೆಸ್ತ್ ಫ್ರಾನ್ಸಿಸ್ ಮೆಂಡೋನ್ಸಾ, ಕಾರ್ಯದರ್ಶಿ ಮಾನೆಸ್ತ್ ಆಲ್ವಿನ್ ಪಿಂಟೊ, 21 ಆಯೋಗಚೊ ಸಂಯೋಜಕ್ ಮಾನೆಸ್ತ್ ಪಾವ್ಲ್ ಡಿ ಸೋಜ, ಕೆನಾರ ಬ್ಯಾಂಕ್ ಬಜೆಗೋಳಿ ಬ್ರಾಂಚ್ ಆಫೀಸರ್ ಶೀಮತಿ ಅನುಷಾ ಆನಿ ವಿದ್ಯಾಗಿರಿ ಬ್ರಾಂಚ್ ಥಾವ್ನ್ ಕಸ್ಟಮರ್ ಸರ್ವಿಸ್ ಎಸೋಸಿಯೇಟ್ ಶ್ರೀ ವಿಲ್ಸನ್ ಪಿಂಟೊ ಹಾಜರ್ ಆಸ್‍ಲ್ಲೆ. ಸ್ತ್ರೀ ಸಂಘಟಣೆಚಿ ಜಾಗರಣ್ ಪತ್ರಾಚಿ ಪ್ರತಿನಿಧಿ ಮಾನೆಸ್ತಿಣ್ ಸಬಿತಾ ರೋಡ್ರಿಗಸ್ ಹಿಣೆಂ ಕಾರ್ಯನಿರ್ವಾಹಣ್ ಕೆಲೆಂ, ಸಹಕಾರ್ಯದರ್ಶಿ ಮಾನೆಸ್ತಿಣ್ ಶೆರ್ರಿ ನಜ್ರೆತ್ ಹಿಣೆಂ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ.

ಉಪ್ರಾಂತ್ ಕೆನರಾ ಬ್ಯಾಂಕಾ ತರ್ಫೆನ್ ವಿದ್ಯಾಗಿರಿ ಬ್ರಾಂಚ್ ಮ್ಯಾನೇಜರ್ ಶ್ರೀಮತಿ ಸವಿತಾ, CSA ವಿಲ್ಸನ್ ಪಿಂಟೊ ಆನಿ ಆಫೀಸರ್ ಅನುಷಾ ಹಾಣಿಂ ಕೆನರಾ ಕ್ಯಾನ್ಸರ್ ಕೇರ್ ಏಂಜಲ್ ಅಕೌಂಟ್ ತಶೆಂಚ್ ಸರ್ಕಾರಾ ಥಾವ್ನ್ ಮೆಳ್ಚೆ ಇತರ್ ಸೌಲಭ್ಯೊ
1. APY - ಅಟಲ್ ಪೆನ್ಶನ್ ಯೋಜನಾ ವಿಶಿಂ
2. PMJJBY- ಪ್ರಧಾನಮಂತ್ರಿ ಜೀವನ್‍ಜ್ಯೋತಿ ಭಿಮಾ ಯೋಜನಾ ವಿಶಿಂ
3. PMSBY- ಪ್ರಧಾನಮಂತ್ರಿ ಸುರಕ್ಷಾ ಭಿಮಾ ಯೋಜನಾ ವಿಶಿಂ.
4. ಸ್ಟೂಡೆಂಟಾಂಕ್ ಮೆಳ್ಚಾ ಲೊನಾ ವಿಶಿಂ.
ಅಶೆಂ ವಿವಿಧ್ ಯೋಜನಾ ವಿಶಿಂ ಮಾಹೆತ್ ದಿಲಿ. ಸಬಾರ್ ಸ್ತ್ರೀಯಾನಿಂ ಸವಾಲಾಂ ವಿಚಾರ್ನ್ ವಿಷಯ್ ಸಮ್ಜೊನ್ ಘೆತ್ಲಿ ಆನಿ ಹ್ಯಾ ಕಾರ್ಯಾಚೊ ಫಾಯ್ದೊ ಜೊಡ್ಲೊ.