Mangalore Diocese News

CT News

Mangaluru, Aug 24 : Catholic Sabha Mangalore Pradesh (R) Mangalore South Deanery organised a Training Program for the Unit and Deanery office-bearers on 21st August 2022, at Permannur School Hall.

ಮಂಗ್ಳುರ್ ದಕ್ಷಿಣ್ ವಾರಾಡೊ : ಘಟಕ್ ಆನಿ ವಾರಾಡೊ ಹುದ್ದೆದಾರಾಂಕ್ ತರ್ಭೆತಿ ಕಾರ್ಯೆಂ

ಕಥೊಲಿಕ್ ಸಭಾ ಮಂಗ್ಳುರ್ ದಕ್ಷಿಣ್ ವಾರಾಡೊ ಹುದ್ದೆದಾರಾಂಚೆ ತರ್ಭೆತಿ ಕಾರ್ಯಕ್ರಮ್ 2022 ಅಗೋಸ್ತಾಚಾ 21 ವೆರ್ , ಪೆರ್ಮನ್ನೂರ್ ಇಸ್ಕೊಲಾಚಾ ಸಾಲಾಂತ್ ಮಾಂಡುನ್ ಹಾಡ್ಲೆಂ. ವಾರಾಡೊ ವಿಗಾರ್‌ವಾರ್ ಬಾಪ್ ಸಿಪ್ರಿಯನ್ ಪಿಂಟೊನ್ ಹ್ಯಾ ತರ್ಭೆತಿ ಕಾರ್ಯಾಕ್ ಬರೆಂ ಮಾಗ್ಲೆಂ.

ಕೇಂದ್ರಿಯ್ ಮಾಜಿ ಅಧ್ಯಕ್ಷ್ ಆ್ಯಂಡ್ರು ನೊರೊನ್ಹಾನ್ ಕಥೊಲಿಕ್ ಸಭೆಚ್ಯಾ ಚರಿತ್ರೆ ವಿಶಿಂ, ಕೇಂದ್ರಿಯ್ ಮಾಜಿ ಅದ್ಯಕ್ಷ್ ನೈಜಿಲ್ ಪಿರೇರಾನ್ ಪ್ರೋಟೊಕಾಲ್ ಆನಿ ಜಮಾತ್ ಚಲಂವ್ಚೆ ವಿಶಿಂ , ಕೇಂದ್ರಿಯ್ ಖಜಾನ್ದಾರ್ ಅಲ್ಫೋನ್ಸ್ ಫೆರ್ನಾಂಡಿಸಾನ್ ಹುದ್ದೆದಾರಾಂಚಾ ಜವಾಬ್ದಾರೆ ವಿಶಿಂ ವಿವರ್ ದಿಲೊ. ಕೇಂದ್ರಿಯ್ ಆಧ್ಯಕ್ಷ್ ಸ್ಟ್ಯಾನಿ ಲೋಬೊನ್ ಆಮ್ಚೊ ಸಂದೇಶ್ ಪತ್ರಾ ವಿಶಿಂ ಆನಿ ಪ್ರಸ್ತುತ್ ಕಾಳಾರ್ ಕಥೊಲಿಕ್ ಸಭೆಚ್ಯಾ ಗರ್ಜೆ ವಿಶಿಂ ಆನಿ ಸಂಘಟಿತ್ ಜಾವ್ನ್ ಸಮಾಜೆ ಖಾತಿರ್ ವಾವ್ರ್ ಕರುಂಕ್ ಉಲೊ ದಿಲೊ.

ಪೆರ್ಮನ್ನೂರ್ ಫಿರ್ಗಜೆಚ್ಯಾ ದಿಲೀಪ್ ಡಿಸೋಜಾಕ್ ಮೊಸರು ಕುಡಿಕೆಚ್ಯಾ ಮಾಡಿ (60 ಫೀಟ್) ಚಡ್ಚ್ಯಾ ಸ್ಪರ್ಧ್ಯಾಂತ್ ಜೀಕ್ ಆಪ್ಣಾಯ್ಲ್ಯಾಕ್ ಸನ್ಮಾನ್ ಕೆಲೊ.

ವಾರಾಡೊ ಅಧ್ಯಕ್ಷ್ ವಲೇರಿಯನ್ ಡಿಸೋಜಾನ್ ಸ್ವಾಗತ್ ಕೆಲೊ. ವಾರಾಡೊ ಕಾರ್ಯದರ್ಶಿ ಲವೀನಾ ಡಿಸೋಜಾನ್ ಧನ್ಯವಾದ್ ಅರ್ಪಿಲೆಂ. ಪೆರ್ಮನ್ನೂರ್ ಘಟಕಾಚೊ ಕಾರ್ಯದರ್ಶಿ ಅರುಣ್ ಡಿಸೋಜಾನ್ ಕಾರ‍್ಯೆ ಚಲಯ್ಲೆಂ. ವಾರಾಡ್ಯಾಚಾ 10 ಘಟಕಾಂ ಥಾವ್ನ್ ಸಾಂದ್ಯಾನಿ ಭಾಗ್ ಘೆತ್ಲೊ.