Monthi Feast celebration at Rosario Cathedral

Media Release

Mangaluru, Sep 9 : Feast of the Nativity of Blessed Virgin Mary (Monthi Feast) was celebrated with devotion and fervor at Rosario Cathedral on September 8, 2022.

ರುಜಾಯ್ ಕಾಥೆದ್ರಾಲಾಂತ್ ಮೊಂತಿ ಫೆಸ್ತ್ ಆಚರಣ್

ರುಜಾಯ್ ಕಾಥೆದ್ರಾಲಾಂತ್ 2022 ಸಪ್ಟೆಂಬರ್ 8 ತಾರಿಕೆರ್ ಮೊಂತಿಫೆಸ್ತ್ ಆಚರಣ್ ಚಲ್ಲೆಂ. ಫೆಸ್ತಾಕ್ ತಯಾರಾಯ್ ಜಾವ್ನ್ 9 ದಿಸಾಂಚೆ ನೊವೆನ್ ಆನಿ ಸಾಂಜೆಚ್ಯಾ ಮಿಸಾ ನಂತರ್ ಫುಲಾಂರ್ಪಣ್ ಮಾಂಡುನ್ ಹಾಡ್ ಲ್ಲೆಂ. ಮೊಂತಿಫೆಸ್ತಾ ದಿಸಾ ಸರ್ವ್ ಫಿರ್ಗಜ್ ಗಾರಾಂ ಪುರ್ಶಾಂವಾ ಖಾತಿರ್ ಸಾಂ. ಅನ್ನಾ ಕೊವೆಂತಾಚ್ಯಾ ಅಗ್ಣಾಂತ್ ಜಮ್ಲ್ಯಾಂವ್. ನವ್ಯಾನ್ ಹಾಡ್ ಲ್ಲ್ಯೊ ಭಾತಾಚ್ಯೊ ಕಣ್ಶ್ಯೊ ಮಾ|ಬಾ| ಸಂತೊಶ್ ಡಿಸೋಜಾ ಹಾಣಿಂ ಬೆಂಜಾರ್ ಕೆಲ್ಯೊ.ಉಪ್ರಾಂತ್ ಸಜಯಿಲ್ಲ್ಯ ಟ್ರಕ್ಕರ್ ಮೊಂತಿ ಮಾಯೆಕ್ ಘೆವ್ನ್ ಸರ್ವ್ ಲೋಕ್ ಕಾಥೆದ್ರಾಲಾ ಕುಶಿನ್ ಪುರ್ಶಾಂವಾರ್ ಚಮ್ಕಾಲೊ. ಗ್ರೊಟ್ಟಾ ಸಾಮ್ಕಾರ್ ಬಾಳ್ ಮರಿಯೆಕ್ ದವರ್ನ್ ಪುಲಾಂ ಅರ್ಪುನ್ ತಿಕಾ ಮಾನ್ ಕೆಲೊ. ಮಾ|ಬಾ| ಅಲ್ಫ್ರೆಡ್ ಪಿಂಟೊ ಬಾಪಾಂನಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ ಆನಿ ಮಾ|ಬಾ| ವಿನೋದ್ ಲೋಬೊ ಬಾಪಾಂನಿ ಅರ್ಥಾಭರಿತ್ ಪ್ರಸಂಗ್ ದಿಲೊ. ಮಿಸಾಚಿ ದೇವ್ ಸ್ತುತಿ ಚಲಿಯಾಂನಿ ಮಾಂಡುನ್ ಹಾಡ್ಲಿ. ಮಿಸಾ ನಂತರ್ ಸರ್ವ್ ಲೊಕಾಕ್ ಪವಿತ್ರ್ ಕೆಲ್ಲ್ಯೊ ಕಣ್ಶ್ಯೊ ಆನಿ ಕೊಬು ವಾಂಟ್ಲೊ.