Mangalore Diocese News

CT News

Mangaluru, Aug 10 : The Women's Commission , Legion of Mary and Ladies Service League of Rosario parish organised a Women's Conference in the conference hall of the church on 7th August 2022 with the aim of providing information on Self Employment to women.

ರುಜಾಯ್ ಫಿರ್ಗಜೆಂತ್ ಸ್ತ್ರೀ ಸಮ್ಮೇಳನ್

2022 ಅಗೊಸ್ತಾಚಾ 7 ತಾರಿಕೆರ್, ಅಯ್ತಾರಾ ಸಕಾಳಿಂಚಾ ಮಿಸಾ ಉಪ್ರಾಂತ್ 9.00 ವೊರಾಂ ಥಾವ್ನ್ ದೊನ್ಪಾರಾಂ 1.30 ವೊರಾಂ ಪರ್ಯಾಂತ್, ರುಜಾಯ್ ಫಿರ್ಗಜೆಚಾ ಸ್ತ್ರೀ ಆಯೋಗ್, ಮರ್ಯೆಚೆಂ ಲೀಜನ್ ಆನಿ ಲೇಡಿಸ್ ಸರ್ವಿಸ್ ಲೀಗ್ ಹ್ಯಾ ತೀನ್‍ಯೀ ಘಟಕಾಚಾಂನಿ ಸಾಂಗಾತಾ ಮೆಳೊನ್ ಸ್ತ್ರೀಯಾಂಕ್ ಸ್ವ-ಉದ್ಯೋಗ ವಿಶಿಂ ಮಾಹೆತ್ ದಿಂವ್ಚೆ ಸ್ತ್ರೀ ಸಮ್ಮೇಳನ್ ಫಿರ್ಗಜೆಚಾ ಕಾನ್ಫರೆನ್ಸ್ ಸಾಲಾಂತ್ ಮಾಂಡುನ್ ಹಾಡ್ಲೆ.

ಸುರ್ವೆರ್ , ಮಾನಾಧಿಕ್ ಬಾಪ್ ವಿನೋದ್ ಲೋಬೊನ್ ಮಾಗ್ಣ್ಯಾ ವಿಧಿ ಚಲೊವ್ನ್ ವೆಲಿಂ. ವೆದಿಚೆರ್ ವಿಗಾರ್ ಬಾಪ್ ಮಾನಾಧಿಕ್ ಅಲ್ಫ್ರೆಡ್ ಜೆ. ಪಿಂಟೊ, ಬಾಪ್ ವಿನೋದ್ ಲೋಬೊ, ಸ್ತ್ರೀ ಆಯೋಗಾಚಿ ಸಂಚಾಲಕಿ ಮಾನೆಸ್ತಿಣ್ ಲಿಲ್ಲಿ ಕುಟೀನ್ಹಾ, ಮರ್ಯೆಚಾ ಲೀಜನಾಚಿ ಅಧ್ಯಕ್ಷಿಣ್ ಮಾನೆಸ್ತಿಣ್ ರೀಟ ಡಿಸೋಜ, ಲೇಡಿಸ್ ಸೋಶಿಯಲ್ ಸರ್ವಿಸ್ ಲೀಗಚಿ ಅಧ್ಯಕ್ಷಿಣ್ ಮಾನೆಸ್ತಿಣ್ ಮಾರ್ಸೆಲಿನ್ ಪಿರೇರಾ , ರುಜಾಯ್ ಫಿರ್ಗಜೆಚಾ 21 ಆಯೋಗಾಚೊ ಸಂಚಾಲಕ್ ಮಾನೆಸ್ತ್ ಸಿರಿಲ್ ರೊಜಾರಿಯೊ, ರುಜಾಯ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಗಿಲ್ಬರ್ಟ್ ಡಿಸಿಲ್ವಾ ಆನಿ ಕಾರ್ಯದರ್ಶಿ ಮಾನೆಸ್ತಿಣ್ ಹೆಝಿಲ್ ಮಿನೇಜಸ್ ಹಾಜರ್ ಆಸ್‍ಲ್ಲಿಂ. ಸರ್ವ್ ಮಾನಾಚಾ ಸೈರ್ಯಾಂಕ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೊ. ಸ್ತ್ರೀ ಆಯೋಗಾಚಿ ಸಂಚಾಲಕಿ ಮಾನೆಸ್ತಿಣ್ ಲಿಲ್ಲಿ ಕುಟೀನ್ಹಾನ್ ಜಮ್ಲೆಲ್ಲ್ಯಾ ಸರ್ವಾಂಕ್ ಮೊಗಾಚೊ ಯೆವ್ಕಾರ್ ಮಾಗ್ಲೊ.

ಹ್ಯಾ ಕಾರ್ಯಾಚೆಂ ಅಧ್ಯಕ್ಷ್ ಸ್ಥಾನ್ ಘೆತ್‍ಲ್ಲ್ಯಾ ಮಾನಾಧಿಕ್ ಅಲ್ಫ್ರೆಡ್ ಜೆ. ಪಿಂಟೊನ್ ತಾಂಚಾ ಸಂದೇಶಾಂತ್ ಸ್ತ್ರೀಯಾಂನಿ ಕಾರ್ಯಾಳ್ ಜಾವ್ನ್, ಸಾಂಗಾತಾ ಯೇವ್ನ್ ಒಟ್ಟುಕ್ ಮೆಳೊನ್ ತಾಂಚಿ ಕುಟ್ಮಾಂ ಉದರ್ಗತೆಚ್ಯಾ ಮೆಟಾಂನಿ ಚಲವ್ನ್ ವರ್ಚಾಕ್ ಥೊಡೆ ಹಿಶಾರ್ ದಿಲೆ.

ಮಾನೆಸ್ತಿನ್ ಲಿನೆಟ್ ಟೀನಾ ಗೊನ್ಸಾಲ್ವಿಸ್ ಪ್ರೊಗ್ರಾಮ್ ಮ್ಯಾನೆಜರ್ ಸಿ.ಒ.ಡಿ.ಪಿ, ಮನೆಸ್ತ್ ಲತೀಶ್ ಬಿ. ಆನಿ ಮಾನೆಸ್ತಿನ್ ಹರಿಣಿ ರಾವ್ ಹ್ಯಾ ಕಾರ್ಯಾಚೆಂ ಸಂಪನ್ಮೂಳ್ ವ್ಯಕ್ತಿ ಜಾವ್ನಾಸ್ಲೆ. ಹಾಣಿಂ ಸ್ತ್ರೀಯಾಂನಿ ಕರ್ಯೆತ್ ಜಾಲ್ಲ್ಯಾ ಸ್ವ-ಉದ್ಯೋಗಾಕ್, ತಾಕಾ ಗರ್ಜ್ ಅಸ್ಲ್ಯಾ ಬೆಂಕಾಚೆಂ ಲೋನ್ ಆನಿ ಸಬ್ಸಿಡಿ ವಿಶಿಂ ಮಾಹೆತ್ ದಿಲಿ.

ಉಪ್ರಾಂತ್ ರುಜಾಯ್ ಫಿರ್ಗಜೆಚಾ ಚೊವ್ಗಾಂ ಜಣಾಂ ಸ್ತ್ರೀಯಾಂನಿ, ಶ್ರೀಮತಿ ಜೆಸಿಂತಾ ಡಿಸೋಜ, ಶ್ರೀಮತಿ ಜೂಲಿಯೆಟ್ ಮಿನೇಜಸ್, ಶ್ರೀಮತಿ ಸಿಸಿಲಿಯಾ ಶ್ರೇಷ್ಟ ಆನಿ ಶ್ರೀಮತಿ ಶಾಹಿಲಾ ಡಿ’ಅಲ್ಮೇಡಾ ಹಾಣಿ ಚಲವ್ನ್ ವರ್ಚ್ಯಾ ವಿವಿಧ್ ಸ್ವ ಉದ್ಯೋಗಾ ವಿಶಿಂ ಚಡಿತ್ ಮಾಹೆತ್ ಸವಿಸ್ತಾರ್ ರಿತಿನ್ ಕಳೈಲಿಂ.

ಕಾರ್ಯಾಚ್ಯಾ ಸಂಪನ್ಮೂಳ್ ವ್ಯಕ್ತಿಂಕ್ ಉಡಾಸಾಚಿ ಕಾಣಿಕ್ ದಿಲಿ. ಮಾನೆಸ್ತಿಣ್ ಮಾರ್ಸೆಲಿನ್ ಪಿರೇರಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಸಗ್ಳೆಂ ಕಾರ್ಯೆಂ ಭಯ್ಣ್ ರೋಸ್ಮಿತಾ ಎ.ಸ್. ಹಿಣೆ ನಿರ್ವಹಿಸಿಲೆಂ. ವಿಗಾರ್ ಬಾಪಾಂನಿ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೆಂ. ಜೆವ್ಣಾ ಸವೆಂ ಕಾರ್ಯೆಂ ಸಂಪೈಲೆಂ.