CT News
Mangaluru, June 7 : Catechism Academic Year 2022 – 23 was inaugurated in Rosario Parish on 5th June 2022 during the morning 8 am mass.
ರುಜಾಯ್ ಫಿರ್ಗಜೆಂತ್ ಕ್ರೀಸ್ತೀ ಶಿಕ್ಷಣ್ ವರಸ್ 2022 ಉದ್ಘಾಟನ್
ರುಜಾಯ್ ಫಿರ್ಗಜೆಂತ್ ಕ್ರೀಸ್ತೀ ಶಿಕ್ಷಣ್ ವರಸ್ 2022 ಚೆ ಉದ್ಘಾಟನ್ 05-06-2022 ತಾರಿಕೆರ್ ಆಯ್ತಾರಾ ಸಾಕಾಳಿಂಚಾ 8.00 ವೊರಾಂಚಾ ಮಿಸಾ ವೆಳಿಂ ಜಾಲೆಂ. ಸುರ್ವೆರ್ ಪ್ರಸ್ತಾವನ್ ವಾಚ್ತಾಚ್, ಕ್ರಿಸ್ತಾಂವ್ ಶಿಕ್ಷಣ್ ಆಯೋಗಾಚಿ ಸಂಯೋಜಕಿ ಮೇಬಲ್ ಡಿಸೋಜ , ಖುರಿಸ್ ಘೆವ್ನ್, ತಾಚ್ಯಾ ಫುಡೆಂ ವೆದಿ ಸೆವಕ್, ತುರಿಬಲ್ –ಧುಂಪಾ ಸವೆಂ, ದೋಗ್ ಆವಯ್ – ಬಾಪಯ್, ಪೆಟೈಲೆಲ್ಯೊ ವಾತಿ ಘೆವ್ನ್, ಹರ್ಯೆಕಾ ಕ್ಲಾಸಿಚಿಂ ಶಿಕ್ಷಕಾಂ ಎಕೆಕಾ ಭುರ್ಗ್ಯಾ ಸವೆಂ ಹಾತಿಂ ವಾಂಜೆಲ್ ಘೆವ್ನ್, ಪೆಟೆಯ್ಲೆಲ್ಯಾ ವಾತಿ ಫುಲಾಂ ಸವೆಂ, ವಿಗಾರ್ ಬಾಪ್ ತಶೆಂಚ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್, ಪ್ರವೇಶ್ ಗೀತ್ ಗಾವ್ನ್, ಪುರ್ಶಾವಾಂರ್ ಪ್ರವೇಶ್ ಜಾಲಿಂ. ಪವಿತ್ರ್ ಬೈಬಲ್ ಆಲ್ತಾರಿ ಸಮೊರ್ ಸೂಕ್ತ್ ಜಾಗ್ಯಾರ್ ದೊವೊರ್ಲೊ ಆನಿ ಸೊಭಯ್ಲ್ಲ್ಯಾ ಪವಿತ್ರ್ ಪುಸ್ತಕಾಂ ಭೊವಾರಿಂ, ಭುರ್ಗಿಂ ಆನಿ ಶಿಕ್ಷಕಾಂ ವ್ರತ್ತಾಕಾರಾಚೆರ್ ಉಬಿಂ ಜಾಲಿಂ. ಉಪ್ರಾಂತ್ ಹರ್ಯೆಕಾ ಭುರ್ಗ್ಯಾನ್ ಆನಿ ಶಿಕ್ಷಾಕಾನಿ, ಹಾತಾಂತ್ ಬೈಬಲ್ ಉಕಲ್ನ್ ಧರ್ನ್ ಜಿಣಿಯೆಂತ್ ಬೈಬಲಾಚೊ ಮಹತ್ವ್ ಕಳಿತ್ ಕರ್ಚೆ ಮಟ್ವೆ ವಾಕ್ಯ್ ವ್ಹಡ್ಲ್ಯಾನ್ ಉಚಾರ್ಲೆ. ಸರ್ವ್ ಶಿಕ್ಷಕಾಂನಿ ವಿಗಾರ್ ಬಾಪಾ ಸವೆಂ ಭಾಸವ್ಣಿ ಕೆಲಿ. ಸರ್ವ್ ಶಿಕ್ಷಕಾಂನಿ ಆನಿ ಭುರ್ಗ್ಯಾಂನಿ ಮಿಸಾಚ್ಯಾ ದೇವ್ ಸ್ತುತೆಂತ್ ವಾಂಟೊ ಘೆತ್ಲೊ.
Comments powered by CComment