CT News
Mangaluru, June 12 :Catechism Year was inaugurated meaningfully at Rosario Parish on June 11, 2023. Parish Priest Rev Fr Alfred Pinto celebrated mass and guided the inaugural ceremony.
ರುಜಾಯ್ ಫಿರ್ಗಜೆಂತ್ ಕ್ರೀಸ್ತಿ ಶಿಕ್ಷಣ್ ವರಸ್ 2023 ಚೆಂ ಉದ್ಘಾಟನ್
11-06-2023 ತಾರಿಕೆರ್ ಆಯ್ತಾರಾ ಸಾಕಾಳಿಂಚಾ 8.00 ವೊರಾಂಚಾ ಮಿಸಾ ವೆಳಿಂ ‘ಆಯ್ತಾರಾಚೆಂ ಕ್ರಿಸ್ತಾಂವ್ ಶಿಕ್ಷಣ್, ಬರಿಂ ಕುಟ್ಮಾಂ ಬಾಂದುಂಕ್ ಪ್ರೇರಣ್’—ಮ್ಹಳ್ಳ್ಯಾ ಧ್ಯೇಯಾಖಾಲ್, ಹೆಂ ಆಯ್ತಾರಾಚ್ಯಾ ಕ್ರೀಸ್ತಿ ಶಿಕ್ಷಣಾಚೆಂ ವರಸ್ ಸುರ್ವಾತ್ ಕೆಲೆಂ.
ಪ್ರವೇಶ್ ಗಿತಾ ವೆಳಿಂ ಪುರ್ಶಾಂವಾರ್ ದೋನ್ ಕುಟ್ಮಾಚಿಂ— ಹಾತಾಂತ್ ಪವಿತ್ರ್ ಪುಸ್ತಕ್ ಘೆತ್ಲಲಿಂ ಆವಯ್ ಬಾಪಯ್, ಹಾತಾಂತ್ ವಾತ್ ಆನಿ ಕೊಪ್ ಘೆತ್ಲಲಿಂ ಭುರ್ಗಿಂ, ಆನಿ ಪೆಟ್ಲಲಿ ವಾತ್ ಹಾತಿಂ ಘೆತ್ಲಲಿಂ ಕ್ರಿಸ್ತಾಂವ್ ಶಿಕ್ಷಣ್ ಶಿಕ್ಷಕಾಂ, ಉದ್ಕಾ ಆಯ್ದಾನ್ ಹಾತಿಂ ಘೆತ್ಲಲ್ಯಾ ಯಾಜಕಾ ಬರಾಬರ್ ವೆದಿಶಿಂ ಅಯ್ಲಿಂ. ಭುರ್ಗಿಂ, ಆಯ್ತಾರಾಚ್ಯಾ ಕ್ರಿಸ್ತಾಂವ್ ಶಿಕ್ಷಣಾಚೆಂ ಕೇಂದ್ರ್. ಕ್ರಿಸ್ತಾಂವ್ ಶಿಕ್ಷಣ್ ಜೊಡುಂಕ್ ಭುರ್ಗ್ಯಾಂಕ್ ವಿಶೇಸ್ ಉರ್ಭಾ ಆಸಾ. ಹಿ ಉರ್ಭಾ ವ್ಯಕ್ತ್ ಕರ್ಪಾಚೊ ಸಂಕೇತ್ ಜಾವ್ನ್ ಭುರ್ಗಿಂ, ಹಾತಿಂ ವಾತ್ ಆನಿ ಕೊಪ್ ಘೆವ್ನ್ ಆಲ್ತಾರಿಕ್ ಯೆತಾತ್. ಆವಯ್ ಬಾಪುಯ್, ಆಪ್ಲ್ಯಾ ಭುರ್ಗ್ಯಾಂಕ್ ಕ್ರಿಸ್ತಾಂವ್ ಶಿಕ್ಷಣ್ ಆನಿ ಪವಿತ್ರ್ ಪುಸ್ತಕಾಚಿ ವಳಕ್ ದಿಂವ್ಚ್ಯಾಂತ್ ಮುಳಾವೊ ಪಾತ್ರ್ ಖೆಳ್ತಾತ್. ಕ್ರಿಸ್ತಾಂವ್ ಶಿಕ್ಷಣ್ ದಿಂವ್ಚ್ಯಾಂತ್ ತಿಂಚ್ ಪಯ್ಲಿಂ ಶಿಕ್ಷಕಾಂ. ಆತಾಂ, ಹೊ ತಾಂಚೊ ಪಾತ್ರ್, ತಿಂ ಜವಾಬ್ದಾರಿನ್ ವಳ್ಕುನ್ ಘೆತಾತ್ ಮ್ಹಳ್ಳ್ಯಾಚೊ ಸಂಕೇತ್ ಜಾವ್ನ್, ಹಾತಿಂ ಪವಿತ್ರ್ ಪುಸ್ತಕ್ ಘೆತ್ಲಲಿಂ ಆವಯ್ ಬಾಪುಯ್ ಮುಖಾರ್ ಯೆವ್ನ್ ಭುರ್ಗ್ಯಾಂಚ್ಯಾ ಖಾಂದಾರ್ ಹಾತ್ ದವ್ರುನ್ ತಾಂಚ್ಯೆ ಬಗ್ಲೆಕ್ ರಾವ್ತಾತ್. ಕ್ರಿಸ್ತಾಂವ್ ಶಿಕ್ಷಣ್ ಶಿಕ್ಷಕಾಂ, ಕ್ರಿಸ್ತಾಂವ್ ಶಿಕ್ಷಣಾ ವೆಳಿಂ, ತಾಂಕಾಂ ಲಾಭ್ಲಲೊ ಕ್ರಿಸ್ತಾಚೊ ಉಜ್ವಾಡ್ ಆನಿ ಕ್ರಿಸ್ತಾ ಥಂಯ್ ತಾಂಚೊ ಭಾವಾರ್ಥಾಚೊ ಅನುಭವ್, ಭುರ್ಗ್ಯಾಂ ಸಂಗಿಂ ವಾಂಟುನ್ ಘೆತಾತ್. ಆಯ್ತಾರಾಚ್ಯಾ ಕ್ರಿಸ್ತಾಂವ್ ಶಿಕ್ಷಣಾಂತ್ ತಾಂಚೊ ಪಾತ್ರ್ ಭೊವ್ ವರ್ತೊ. ತಾಂಚ್ಯಾ ಹ್ಯಾ ಮಿಸಾಂವಾಚೊ ಸಂಕೇತ್ ಜಾವ್ನ್, ಆಪ್ಲ್ಯೆ ಪೆಟ್ಲಲ್ಯೆ ವಾತಿ ಥಾವ್ನ್ ಭುರ್ಗ್ಯಾಂಚಿ ವಾತ್ ಪೆಟೊವ್ನ್ ತಾಂಚ್ಯೆ ಸಂಗಿಂ ರಾವ್ತಾತ್. ಫಿರ್ಗಜೆಚೊ ವಿಗಾರ್ ಸಂಸ್ಕಾರಾಂ ದ್ವಾರಿಂ ಫಿರ್ಗಜ್ ಕುಟ್ಮಾಕ್ ಆನಿ ವಿಶೇಸ್ ಕರುನ್ ಭುರ್ಗ್ಯಾಂಕ್ ಕ್ರಿಸ್ತಾಚಿ ವಳಕ್ ಭೋವ್ ಗುಂಡಾಯೆನ್ ದಿತಾ. ಕ್ರಿಸ್ತಾಂವ್ ಶಿಕ್ಷಣ್ ದಿಂವ್ಚ್ಯಾಂತ್ ತಾಚೊ ಪಾತ್ರ್ ವಿಶೇಸ್ ಮುಖೆಲ್ಪಣಾಚೊ. ತೊಚ್ ಫಿರ್ಗಜೆಂತ್ ಕ್ರಿಸ್ತಾಂವ್ ಶಿಕ್ಷಣಾಚೊ ಸೂತ್ರ್ ದಾರ್. ಭುರ್ಗ್ಯಾಂಕ್ ಕ್ರಿಸ್ತಾಂವ್ ಶಿಕ್ಷಣ್ ದಿಂವ್ಚ್ಯೆ ದಿಶೆನ್ ಆಪ್ಲ್ಯಾ ಪ್ರಮುಖ್ ಪಾತ್ರಾಚೊ ಸಂಕೇತ್ ಜಾವ್ನ್ ಯಾಜಕ್, ಆಪ್ಲ್ಯಾ ಆಯ್ದಾನಾ ಥಾವ್ನ್ ಭುರ್ಗ್ಯಾಂಚ್ಯಾ ಕೊಪಾಂಕ್ ಉದಾಕ್ ಒತ್ತಾ ಆನಿ ಭುರ್ಗ್ಯಾಂ ಸಂಗಿಂ ರಾವ್ತಾ. ಅಶೆಂ ಉಗ್ತಾವಣ್ ಅರ್ಥಭರಿತ್ ರಿತಿನ್ ಸಂಪ್ಲೆಂ.
ಶೆರ್ಮಾಂವಾಂ ಉಪ್ರಾಂತ್ ಶಿಕ್ಷಕಾಂನಿ ಭಾಸಾವ್ಣಿ ಕೆಲಿ. ಸರ್ವ್ ಶಿಕ್ಷಕಾಂನಿ ಆನಿ ಭುರ್ಗ್ಯಾಂನಿ ಫಿರ್ಗಜ್ಗಾರಾಂ ಸಂಗಿಂ ಮಿಸಾಚ್ಯಾ ದೇವ್ ಸ್ತುತೆಂತ್ ವಾಂಟೊ ಘೆತ್ಲೊ.
Comments powered by CComment