Mangalore Diocese News

CT News

Moodbidri, Aug 25 : Catholic Sabha Mangalore Pradesh (R) Taccode unit saluted the nation by hoisting flag on Platinum Jubilee of Indian Independence on 15th August 2022. Achievers of the parish in various fields were felicitated on this occasion.

ತಾಕೊಡೆಂತ್ ಸ್ವತಂತ್ರ್ ಅಮೃತೋತ್ಸವ್ ಸನ್ಮಾನ್

ಸ್ವತಂತ್ರೋತ್ಸವ್ ಅಮೃತೋತ್ಸವಾಚ್ಯಾ ದಿಸಾ ರಾಷ್ಟ್ ಬಾವ್ಟೊ ಉಬೊಂವ್ಚೆಂ ಕಾರ್ಯೆಂ ತಾಕೊಡೆ ಕಥೊಲಿಕ್ ಸಭಾ ಘಟಕಾನ್ ಇರ‍್ಜೆ ಮಯ್ದಾನಾರ್ ಮಾಂಡುನ್ ಹಾಡ್ಲೆಂ. ಫಿರ್ಗಜ್ ವಿಗಾರ್ ಮಾ. ಬಾ. ರೋಹನ್ ಲೋಬೊ ಹಾಣೆಂ ಬಾವ್ಟೊ ಉಬೊವ್ನ್ ಸಂದೇಶ್ ದಿಲೊ. ಮಾಲ್ಘಡಿ ಶಿಕ್ಷಕಿ ಎಲಿಜಾ ಮಾಡ್ತಾ (ಎಲಿಜ್ ಟಿಚೆರ್), ಮಾಲ್ಘಡೊ ಬರವ್ಪಿ ಮಾರ್ಕ್ ಸಿರಿಲ್ ಪಿಂಟೊ (ಮಾ. ಪಿ. ತಾಕೊಡೆ), ಮಾಲ್ಘಡೊ ಆಟೋ ಡ್ರೆವರ್ ಚಾರ್ಲ್ಸ್ ಸೆರಾವೊ, ಮಾಲ್ಘಡೊ ಕೃಷಿಕ್ ತೊಮಾಸ್ ರೆಬೆಲ್ಲೊ ಆನಿ ಪಯ್ಲ್ಯಾ ಪ್ರಯತ್ನಾಂತ್ಚ್ ಸಿಎ ಪರಿಕ್ಷಾ ಉತ್ತೀರ್ಣ್ ಜಾಲ್ಲೊ ಗ್ಲ್ಯಾಡ್ಸನ್ ಕಾರ್ಡೊಜಾ ಹಾಂಚೊ ವಾವ್ರ್ ಆನಿ ಸಾಧನ್ ವಾಖಣುನ್ ಕಥೊಲಿಕ್ ಸಭಾ ತರ್ಫೆನ್ ಸನ್ಮಾನ್ ಕೆಲೊ.

ರೆದೆಂಪ್ತೊರಿಸ್ತ್ ಯಾಜಕ್ ಮಾ. ರಾಕೇಶ್ ಮಥಾಯಸ್, ಫಿರ್ಗಜ್ ಗೊವ್ಳಿಕ್ ಪರಿಷದ್ ಕಾರ್ಯದರ್ಶಿ ಐವಿ ಪಿಂಟೊ, 21 ಆಯೋಗಾಂಚೊ ಸಂಚಾಲಕ್ ಮೈಕಲ್ ಕ್ರಾಸ್ತಾ, ಕಥೊಲಿಕ್ ಸಭಾ ಕಾರ್ಯದರ್ಶಿ ಅನಿಲ್ ಡಿಸೋಜ ವೆದಿರ್ ಹಾಜರ್ ಆಸ್ಲೆ. ಕಥೊಲಿಕ್ ಸಭಾ ಘಟಕ್ ಅಧ್ಯಕ್ಷ್ ಲೊಯ್ಡ್ ರೇಗೊ ಹಾಣೆಂ ಅಬಾರ್ ಮಾಂದ್ಲೊ. ಕಥೊಲಿಕ್ ಸಭಾ ಘಟಕ್ ಉಪಾಧ್ಯಕ್ಷ್ ಚಾರ್ಲ್ಸ್ ಕ್ರಾಸ್ತಾ ಹಾಣೆಂ ಕಾರ್ಯೆಂ ಚಲಯ್ಲೆಂ.